ئەمڕۆ چوارشەم 11/1/2023، بەرێز، د.ئەحمەد ئەنوەر سەرۆكی دەستەی دەسپاكی هەرێمی كوردستان، پێشوازی لە شاندێكی بەریتانی دامەزراوەی هاوكاری تەكنیكی بۆ عێراق TAFFI) ) كرد كە لەلایەن بەرێز، زین كاندێرن بەرێوەبەری تەكنیكی سەرۆكایەتی دەكرا.
لە كۆبوونەوەكەدا كە بەرێزان، د. عەدنان عەبدوڵا بەرێوەبەری گشتیی فەرمانگەی خۆپاراستن و شەفافییەت و هاژە عومەر بەرێوەبەری نووسینگەی سەرۆكی دەستە و سەوسەن ئەمین بەرێوەبەری ئەكادیمایی دەسپاكی و سەرخێڵ هاشم بەرێوەبەری راگەیاندن ئامادە بوون.
لە كۆبوونەوەكەدا، د.ئەحمەد ئەنوەر سەرۆكی دەستەی دەسپاكی هەرێمی كوردستان، كورتەیەكی لەبارەی كارەكانی دەستەی دەسپاكی و چاودێری جێبەجێكردنی یاسای چاكسازی و ستراتیجی رووبەڕووبوونەوەی گەندەڵی لە هەرێمی كوردستان، بۆ شاندی میوان خستە ڕوو.
لە قسەكانیدا، سەرۆكی دەستەی دەسپاكی هەرێمی كوردستان دووپاتی لەوە كردەوە كە لە داهاتوویەكی نزیكدا راپۆرتێك لەبارەی ستراتیجی رووبەڕووبوونەوەی گەندەڵی ئامادە دەكەن كە لەوبارەیەوە تا ئێستا چی كراوە.
هاوكات شاندی میوان دووپاتیان لە هاوكاری دەستەكە كردەوە بۆ داهاتوو، تا بتوانن هەنگاوەكانیان بۆ ڕووبەڕوووبونەوەی گەندەڵی درێژە پێ بدەن. هاوكات بەڵێنیان دا كە گرنگی بە كاری دەستەكە بدەن بە جۆرێك، بابەتی فۆڕمی ئاشكراكردنی بەرژەوەندییە داراییەكان بە ئەلیكترۆنی بكرێت و دواتریش هاوئاهەنگی لە نێوان فەرمانگەكان بۆ چاودێری ئەو پڕۆسەیە هەبێت.
لە بەشێكی تری قسەكانیشیاندا دووپاتیان كردەوە كە كار لەسەر رەفتاری پیشەیی فەرمانبەران دەكەن كە لەلایەن دەستەی دەسپاكی هەرێمی كوردستانەوە دەكراوە.
