رۆژی دووشەم 10ی ئاداری 2025، د.ئەحمەد ئەنوەر سەرۆكی دەستەی دەسپاكی هەرێمی كوردستان سەردانی وەزارەتی دادی حكوومەتی هەرێمی كوردستانی كرد و لەگەڵ فرسەت ئەحمەد وەزیری داد كۆبووەوە.
لە كۆبوونەوەكەدا كە هەریەكە لە د.عەدنان عەبدوڵا بەرێوەبەری گشتیی فەرمانگەی خۆپاراستن و شەفافییەت و سەرخێڵ هاشم بەڕێوەبەری راگەیاندنی دەستەی دەسپاكی ئامادە بوون، باس لە هەنگاوەكانی رووبەڕووبوونەوەی گەندەڵی كرا.
مەبەستی سەرەكی سەردانەكە بۆ دانانی تابلۆی هێڵی گەرمی دەسپاكی بوو لە ناو وەزارەتی دادی حكوومەتی هەرێمی كوردستان كە ژمارەكەی 1015 یە.
دوابەدوای كۆبوونەوەكە، د.ئەحمەد ئەنوەر سەرۆكی دەستەی دەستپاكیی هەرێمی كوردستان، لە كۆنگرەیەكی ڕۆژنامەوانیدا ڕای گەیاند، ڕاپۆرتی كۆتا ساڵی 2024مان ئامادەیە، داتاكانی ساڵی ڕابردوو تاكوو 1/12/2024، بەڵام ئەم جارە هی مانگی 12شی لەگەڵە، چاوەڕی بووین تا سەرۆكایەتیی پەرلەمان و لایەنەكانی دیكە دەست بەكاربن بۆ ئەوەی یەكەمجار بۆ ئەوانی بنێرین، دوای چەند ڕۆژێكی دیكە بۆ دەزگا ڕاگەیاندنەكانیشی دەنێرین.
زیاتر گوتی، نزیكەی 205 كەیس ساڵی ڕابردوو چووەتە دادگا. لە دوو هەفتەی داهاتوودا سەرجەم داتاكان ڕادەگەیەنین، هەرچەندە ئێمە ساڵانە جارێك یاخود دووان داتاكا ڕادەگەیەنین.
ئاماژەی بەوەش دا، هێڵی گەرمی دەستپاكی لە وەزارەتی داد لە مێژە هەیە و نوێ نییە، بەڵام تازە ڕایدەگەیەنین، دەستەی چالاكیی عێراق بۆیان چالاك كردووین، لەبەرامبەر كرێی ساڵانە، بەڵام كاتێك هاووڵاتی پەیوەندی دەكات هیچ كرێیەكی لەسەر ناكەوێت.
هەروەها هێڵی گەرمی دەستە زیاتر ڕۆڵی دەبێت و هاووڵاتی زیاتر دەست كراوە دەبێت لەسەر ئەو سكاڵایانەی كە پێشكەشی دەكات، بەپێی یاسا ئێمە لەسەرمانە ناسنامەی كەسەكە بپارێزین، مەگەر كەسەكە خۆی حەز بكات خۆی ئاشكرا بكات.
