رۆژی سێشەم 1/26/ 2021، بەڕێز د.ئەحمەد ئەنوەر سەرۆكی دەستەی دەسپاكی هەرێمی كوردستان پێشوازی لە بەڕێز د.هێمن هەورامی جێگری سەرۆكی پەرلەمانی كوردستان كرد كە بە یاوەری شاندێكی به‌ڕێزان ئه‌ندامانی لیژنه‌ی ده‌سپاکی له په‌رله‌مان کرد .
لە كۆبوونەوەكەدا كە بەڕێزان بەڕێوەبەرە گشتییەكان و بەڕێز بەڕێوەبەری نووسینگەی سەرۆكی دەستەی دەسپاكی ئامادە بوون، گفتوگۆ لەسەر چەند پرسێكی پێوەست بە چاكسازی لە هەرێمی كوردستان كرا.
بەڕێز د.ئەحمەد ئەنوەر سەرۆكی دەستەی دەسپاكی هەرێمی كوردستان خۆشحاڵی خۆی بەوسەردانەی شاندی سەرۆكایەتی پەرلەمانی كوردستان و پەرلەمانتاران دەربڕی و دووپاتی كردەوە كە خۆشخاڵه هاوئاهەنگییەكان به‌رده‌وام بن .
هەروەها بەڕێز د.هێمن هەورامی جێگری سەرۆكی پەرلەمانی كوردستان دووپاتی لە گرنگی ئەو هاوئاهەنگییە لەنێوان دەسەڵاتی یاسادانان و دەسەڵاتی جێبەجێكردن كردەوە.
هەروەها لە كۆبوونەوەكەدا گفتوگۆ لەسەر پرسی ھەمواری یاسای دەستەی دەسپاكی و كاركردن لەسەر ئەم ھەموارە لە وەرزی ئاییندەدا و ستراتیجی نیشتیمانی بۆ رووبورووبونەوەی گەندەڵی و دواھەنگاوەكان كرا .
هاوكات راپۆرتی دەستە لەسەر ئاستی جێبەجێ بوونی یاسای چاكسازی ژمارە دووی سالی ٢٠٢٠. ھەوڵدان بۆ كۆبوونەوەیەكی ھاوبەشی پەرلەمان و دەسەلاتی دادوەری و دەستەی دەسپاكی بۆ دروستكردنی دادگایەكی تایبەت بە دادگایی كردنی كەیسەكانی گەندەڵی و زیاد كردنی لێكۆڵەرەوە دادییەكان بابەتی تری كۆبوونەوەكە بوون.
پرسی چاكسازی و هەنگاوەكان بۆ ڕووبەڕووبونەوەی گەندەڵی ته‌وه‌رێکی تری گفتوگۆی كۆبوونەوەكە بوو.
