لە سەڵاحەدین مەسعود بارزانی پێشوازی لە شاندێكی هاوبەشی دەستەی دەسپاكیی عێراق و هەرێمی كوردستان كرد بە سەرۆكایەتیی دادوەر (حیدر حنون) سەرۆكی دەستەی دەسپاكیی فیدڕاڵی و دكتۆر (ئەحمەد ئەنوەر) سەرۆكی دەستەی دەسپاكیی هەرێمی كوردستان.
لەو دیدارەدا باس لە دوایین ڕێوشوێن و هەنگاوەكانی هەردوو دەستەی دەسپاكیی عێراقی فیدڕاڵ و هەرێمی كوردستان كرا بۆ دەستەبەركردنی شەفافیەت و ڕووبەڕووبوونەوەی گەندەڵی و بەدیهێنانی دادپەروەری و سەرۆك بارزانی پێزانینی بۆ كاروبار و هەوڵەكانی هەردوو دەستە هەبوو و وێڕای دەربڕینی پاڵپشتیی خۆی، هیوای سەركەوتنی بۆ خواستن لە ئەرك و كارەكانیاندا.
