هەڵمەتی ڕۆژی جیهانی بەرەنگاربوونەوەی گەندەڵی کە بە هاوبەشی نێوان وەزارەتی پەروەردە و دەستەی دەسپاکی و پرۆگرامی پەرەپێدانی نەتەوە بە هاوکاری یەکێتی ئەوروپا مەراسیمی ماراسۆنی نێوان پەروەردە و دەسپاکی بەڕێوەچوو .
ڕۆژی هەینی ٨/١٢/٢٠٢٣ لە شاری هەولێر بە هەماهەنگی نێوان دەستەی دەسپاکی و وەزارەتی پەروەردە و پڕۆگرامی پەرەپێدانی نەتەوە یەکگرتووەکان بە هاوکاری یەکێتی ئەوروپا ماراسۆنی پەروەردە و دەسپاکی بە هەڵمەتی # پەیامەکەت –بگەینە ، بە سەرپەرشتی د.احمد انور سەرۆکی دەستەی دەسپاکی ، ڕەگەز ئەحمەد بەڕێوەبەری گشتی دیوانی وەزارەتی پەروەردە بە نوێنەرایەتی وەزیری پەروەردە و ئامادەبوونی ڕێبەر احمد وەزیری ناوخۆ ی حکومەتی هەرێم ، بەڕێوەبەرانی گشتی و بەڕێوەبەرو بەشێک لە فەرمەنبەرەنی دەستەی دەسپاکی ، ژمارەیەک لە بەڕێوەبەرانی وەزارەتی پەروەردە ، بەڕێوبەرەنی پارێزگای هەولێر بەڕێوەچوو.
لە سەرەتای مەراسیمەکەدا د. ئەحمەد ئەنوەر سەرۆکی دەستەی دەسپاکی لە وتارێکدا باسی لە هەماهەنگی نێوان دەستەی دەسپاکی و undp کرد ، هەروەک ئاماژەی بەڕۆڵی پەروەردە و فێرکردن کرد بۆ بەرەنگاربوونەوەی گەندەڵی و گوتیشی پرۆسەی بەرەنگاربوونەوەی گەندەڵی ئەرکی هەموو لایەکە لە پێناو سەقامگیرتربوونی دۆخی هەرێمی کوردستان وە ئەم ماراسۆنەشی وەک پەیامێک بۆ دژە گەندەڵی لێکدایەوە.
پاشان لۆتسما نوێنەری یەکەمی undp ووتاری خۆی پێشکەش کرد بە پیرۆزکردنی و ئەو ڕۆژە دەستی پێکرد و دلخۆشی خۆی دەربڕی بە شێوازی هەڵمەتەکە و گەیاندنی پەیامی دەسپاکی بە ماراسۆن وە هاوکاری و ئامادەباشی خۆیانی دووپاتکردەوە بۆ بەردەوامی لە پڕۆژە و چالاکیەکەکانی دەستەی دەسپاکی بۆ نەهێشتن و کاڵ کردنەوەی گەندەڵی، دواتر بەرێوەبەری گشتی دیوانی وەزارەتی پەروەردە بە نوینەرایەتی وەزیری پەروەردە وتاری خۆیانی پیشکەش کرد بەرێزیان هاوکاری و یارمەتی خۆیانی دەڕبری لە بەشداریکردنیان لەم چالاکیانە و چالاکیتر کە دەبێتە هۆی پیشاندان و گەیاندنی پەیامێکی بەسوود بۆ کۆمەڵگا و پیرۆزی دەسپاکی لە هەرێمی کوردستان.
لە سەرەتای مەراسیمە ماڕاسۆنێک ئەنجامدرا زیاتر لە ٢٠٠ قوتابی کوڕ و کچ بەشدار بوون تیایدا لەکۆتایی ماراسۆنەکە خەڵات بەسەر ناوبژیوانان و١٠ لە قوتابیە یەکەمەکانی کوڕو ١٠ قوتابی کچ پێشکەش کرا و خەڵاتی جیا درا بە ٣ لە قوتابیە یەکەمەکان .
