لە 2024/2/6، د.ئەحمەد ئەنوەر سەرۆکی دەستەی دەسپاکی هەرێمی کوردستان، بە ئامادەبوونی هاژە عومەر بەڕێوەبەری نووسینگەی سەرۆکی دەستە، پێشوازی لە خاتوو ئیلین ئاندرزی ملحقی وەزارەتی داد لە باڵوێزخانەی ئەمەریکا لە بەغدا کرد کە لەبواری شوشتنەوەی پارە و تاوانە داراییەکان کار دەکەن.
لە کۆبوونەوەیەکدا، خاتوو تامی وایزەر و خاتوو فالیری بەرپرسی سیاسیی و هۆزان حسن یاریدەدەری سیاسیی لە کونسوڵخانەی ئەمەریکا لە هەولێر ئامادەبوون. لە کۆبوونەوەکەدا باس لە چەند تەوەرێک کرا، لەپاڵ باسکردن لە رەوشی عێراق بە گشتی و کوردستان بە تایبەتی لە بواری رووبەڕووبوونەوەی گەندەڵی.
د.ئەحمەد ئەنوەر لە کۆبوونەوەکەدا، باسی هەنگاوەکانی رووبەڕوبوونەوەی گەندەڵی و کارەکانی دەستەی روونکردەوە.
هەروەها، شاندی میوان دووپاتیان لە هاوکاری زیاتری دەستەی دەسپاکی کردەوە تا بەرەنگاربوونەوەی گەندەڵی خێرا بکرێ.
باسیان لەوەیش کرد، دۆخی عێراق بە گشتیی لە ژێر هەڕەشەدایە و پێویستە دەزگاکان هاوئاهەنگی یەکتر بکەن.
دووپاتیش لەوە کرایەوە کە ئەوەی پێوەندی بە کارەکانی دەستەی دەسپاکییەوە هەبێ هاوکار دەبن.
