له چوارچێوه‌ى پرۆژه‌كانى (ده‌سپاكى ئه‌كادیمى ) هاوبه‌ش نێوان ده‌سته و وه‌زاره‌تى خوێندنى باڵا و توێژینه‌وه‌ى زانستى هه‌رێم , ڕۆژى یه‌كشه‌ممه 2021/5/2 به‌رێزان :د.عبدالفتاح عبدالرزاق بریكارى وه‌زاره‌ت و د.ئامانج عبدالله راوێژكارى وه‌زیر وم.فواد على جێگرى به‌رێوه‌به‌رى گشتى فه‌رمانگه‌ى توێژینه‌وه و په‌ره‌پێدان و م.سه‌رتیب خالص به‌رێوه‌به‌رى خوێندنى باڵا له وه‌زاره‌ت , سه‌ردانى ده‌سته‌یان كرد بۆ گفتوگۆ كردن له‌سه‌ر ئه‌نجامدانى دیدارێكى هاوبه‌ش ده‌رباره‌ى ( ده‌سپاكى له توێژینه‌وه‌ى زانستى ) و بۆ ئه‌م مه‌به‌سته بریاردرا به پێكهێنانى لیژنه‌یه‌كى هاوبه‌شى ئاماده‌كارى دیدار.
شایانى باسه هه‌ریه‌ك له به‌رێزان : د. ئه‌حمه‌د ئه‌نوه‌ر سه‌رۆكى ده‌سته و به‌رێوه‌به‌رى گشتى فه‌رمانگه‌ى خۆپاراستن و شه‌فافیه‌ت و به‌رێوه‌به‌رى نووسینگه‌ى سه‌رۆكى ده‌سته‌وه به‌رێوه‌به‌رى ئه‌كادیمیاى ده‌سپاكى و به‌رپرسی به‌شى شه‌فافیه‌ت و ڕه‌فتارى وه‌زیفى و به‌رپرسی به‌شى هه‌ڵسه‌نگاندن و دڵنیایی جۆرى له پێشوازى شاندى ئاماژه پێكراو ئاماده‌بوون .
