ئه‌مڕۆ چوارشه‌م، 19ی ئایاری 2021، به سه‌رۆكایه‌تی د.ئه‌حمه‌د ئه‌نوه‌ر سه‌رۆكی ده‌سته‌ی ده‌سپاكی و شاندی یاوه‌ری سه‌ردانی ئومێد خۆشناو پارێزگاری هه‌ولێر كرا.
له دیداره‌كه‌دا، گفتوگۆ له‌باره‌ی پرسی چاكسازی و هه‌نگاوه‌كان و ستراتیجی نیشتیمانی بۆ ڕووبه‌ڕووبونه‌وه‌ی گه‌نده‌ڵی له هه‌رێمی كوردستان و كاره‌كانی ده‌سته‌ی ده‌سپاكی كرا.
د.ئه‌حمه‌د ئه‌نوه‌ر سه‌رۆكی ده‌سته‌ی ده‌سپاكی هه‌رێمی كوردستان، دووپاتی له‌سه‌ر هاوئاهه‌نگیی و هاوكاری نێوان ده‌سته‌ی ده‌سپاكی و پارێزگاری هه‌ولێر كرده‌وه.
لای خۆیه‌وه پارێزگاری هه‌ولێر، وێڕای پاڵپشتی ته‌واوی بۆ ده‌سته‌ی ده‌ستپاكی و پرۆسه‌ی چاكسازی و هه‌نگاوه‌كانی ڕووبه‌ڕووبونه‌وه‌ی گه‌نده‌ڵی، دووپاتی له گرنگی و هاوئاهه‌نگی و هاوكاری زیاتری نێوان پارێزگای هه‌ولێر و ده‌سته‌ی ده‌سپاكی له هه‌رێمی كوردستان كرده‌وه.
