رۆژی یەكشەم 2020/2/8 شاندێكی رێكخراوی UNDP سەردانی دەستەی دەسپاكی هەرێمی كوردستانیان كرد و لەگەڵ بەڕێز د.ئەحمەد ئەنوەر سەرۆكی دەستەی دەسپاكی هەرێمی كوردستان كۆ بوونەوە.
شاندەكەی UNDP پێكهاتبوون لە بەڕێزان، زینە عەلی ئەحمەد نوێنەری بەرنامەی الانمائی لە رێكخراوی نەتەوە یەكگرتووە لە عێراق و مهاب مدنی بەرێوەبەری بەشی “الحكومە و المصالحە”. لە كۆبوونەوەكە چەند پڕۆژەیەكی هاوبەشی نێوان دەستە و ئەو ڕێكخراوە خرایە ڕوو كە بڕیارە لە داهاتوودا پێكەوە ئەنجامی بدەن.
د.ئەحمەد ئەنوەر سەرۆكی دەستەی دەسپاكی هەرێمی كوردستان لە كۆبوونەوەكەدا باسی لەوە كرد كە ستراتیجی رووبەرووبوونەوەی گەندەڵی لە هەرێمی كوردستان ئێستا تەواوكراوە و خراوەتە بەردەستی حكومەتی هەرێم بۆ ئەوەی پەسەند بكرێ و كاری لەسەر بكرێ.
ڕوونیشی كردەوە كە ستراتیجییەكە گرنگییەكی زۆری هەیە و بە تەواوی خزمەت بە رەوتی رووبەرووبوونەوەی گەندەڵی دەكات.
لای خۆیەوە زینە عەلی دەستخۆشی بۆ دەستەی دەسپاكی هەبوو، خۆشحاڵی خۆی پێشاندا كە ئەو هاوئاهەنگییە لە نێوان هەردوو دامەزراوەدا بەردەوام بێت و دووپاتی لە پاڵپشتی كاری دەستە كردەوە.
