دەسپاکی لەگەڵ پارێزگارانی هەرێم کۆبووەوە

دەستەی دەسپاکی بە هەماهەنگی لەگەڵ ڕێکخراوی undp بە پاڵپشتی یەکێتی ئەوروپا وۆرک شۆپی تایبەت بە ستراتیژییەتی نیشتمانی ڕووبەڕووبوونەوەی گەندەڵی لە هەرێمی کوردستان ئەنجام دا.
ڕۆژی دووشەممە ڕێکەوتی ٢٠/٦/٢٠٢٢ بە ئامادەبوونی د. ئەحمەد ئەنوەر سەرۆکی دەستەی دەسپاکی و ڕێبەر ئەحمەد وەزیری ناوەخۆی حکومەتی هەرێمی کوردستان هەریەک لە پارێزگاران و بەرپرسی ئیدارە سەربەخۆ و خۆجێسیەکانی هەرێمی کوردستان وۆرک شۆپی ستراتیژی و ڕووبەڕووبوونەوەی گەندەڵی بەڕێوەچوو.
لە سەرەتادا د.ئەحمەد ئەنوەر سەرۆکی دەستەی دەسپاکی باسی لە گرنگی ڕۆلی دام و دەزگاکانی حکومەت کرد بۆ هەماهەنگی لە ڕووبەڕووبونەوەی گەندەڵی ، دواتر خاتوو زینە نوێنەری گشتی undp لە عیراق ئاماژەی بە گرنگی ستراتیژیەکە کرد و جەختی لەسەر هەماهەنگی ڕێکخراوی undp پاڵپشتی یەکەتی ئەوروپا کردەوە بۆ سەرخستنی پرۆژەکە.
لە پاشان هەریەک لە د. عەدنان عبداللە بەڕێوەبەری گشتی فەرمانگەی خۆپاراستن و شەفافیەت
و د.محمد هارون و حسین حسن پرزنتێنشنیان پێشکەش کرد ، لەسەر میکانیزمی جێبەجێکردنی پرۆژەی ستراتیژیەتی نیشتمانی ڕووبەڕووبوونەوەی گەندەڵی لە هەرێمی کوردستان.
لە کۆتاییدا بەژداربووان بە گفت و گۆ و ڕا گۆڕینەوە پێشنیاری بەجێیان بۆ دەوڵەمەند کردنی ستراتیژەکە خستە ڕوو.