بە مەبەستی پێشکەشکردنی دوا ڕاپۆڕتی ڕێكخراوی ستۆپ دەربارەی بەهێزکردنی بنەماکانی شەفافیەت و دادپەروەری لە کۆکردنەوەی داهاتی نانەوتی و بەدواداچوونێکی بەراوردکاری لە نێوان حکومەتی فیدڕاڵی و حکومەتی هەرێم سەردانی دەستەی دەسپاکی کرد.
ڕۆژی چوارشەممە ٢٩/١١/٢٠٢٣ د.عدنان عبداللە بەڕێوەبەری گشتی فەرمانگەی خۆپاراستن و شەفافیەت پێشوازی لە شاندێکی ڕێکخراوی ستۆپ کرد کە پێكهاتبوون لە هەریەک لە ئاری ئازاد سەرۆکی ڕێکخراو و فەرمان ڕەشاد ئەندامی کارای ڕێکخراوەکە، لە دانیشتنەکەدا هەشتەم ڕاپۆڕتی چالاکی ڕێکخراوەکەیان کە تایبەت بوو بە بەدواداچوونێکی بەراوردکاری لە نێوان حکومەتی فیدڕاڵ و حکومەتی هەرێم لە کۆکردنەوەی داهاتی نانەوتی پێشکەش کرد.
جێی باسە لە دانیشتنەکە هەریەک لە دارەوان نورالدین بەرپرسی بەشی پەیوەندی لەگەڵ ڕێکخراوەکان و پەریهان طاهر بەرپرسی هۆبەی ڕیکخراوە ناوخۆییەکان ئامادەبوون و چەندین تەوەری دی هاتنە باسکردن.
