لە رێکەوتی 2023/2/28 لە ئوردن، بەڕێز د.ئەحمەد ئەنوەر سەرۆكی دەستەی دەسپاكی هەرێمی كوردستان لەگەڵ هەریەكە لە بەرێزان، د.عەدنان عەبدوڵا رەشید بەرێوەبەری فەرمانگەی خۆپاراستن و شەفافییەت و هاژە عومەر بەرێوەری نووسینگەی سەرۆكی دەستە سەردانی دەستەی دەسپاكی ئوردنیان كرد..
شاندەكەی دەستەی دەسپاكی لەلایەن، د.موهەنەد الحیجازی سەرۆكی دەستەی نەزاهە و رووبەرووبوونەوەی گەندەڵی لە ئوردن پێشوازیان لێ كرا و لە كۆبوونەوەكەدا دووپات لە هاوئاهەنگی نێوان دەستەی دەسپاكی هەرێمی كوردستان و ئوردن كرایەوە.
د.ئەحمەد ئەنوەر سەرۆكی دەستەی دەسپاكی هەرێمی كوردستان لە كۆبوونەوەكەدا باسی ستراتیجی رووبەرووبوونەوەی گەندەڵی كرد كە لە هەرێمی كوردستان پەسەند كراوە و باسی لەوە كرد كە لە هەوڵەكانیان بەردەوام دەبن بۆ پێشخستنی زیاتری دەستەی دەسپاكی.
پرسی رووبەڕووبوونەوەی گەندەڵی و چاكسازی و هاوئاهەنگی نێوان هەردوو دامەزراوەكە بەشێكی تری قسەكانی كۆبوونەوەكە بوون.
