ئەمڕۆ دووشەم 30/1/2023، بەڕێز د.ئەحمەد ئەنوەر سەرۆكی دەستەی دەسپاكی هەرێمی كوردستان لە بەغدا، بەشداری لە كۆبوونەوەی ئەنجوومەنی ئیدارەدانی “پڕۆژەی ناوبژیوانی و بەرەنگاربوونەوەی گەندەڵی لە عێراق” كرد.
“پڕۆژەی ناوبژیوانی و بەرەنگاربوونەوەی گەندەڵی لە عێراق” ماوەی چوار ساڵ لەلایەن رێكخراوی UNDP جێبەجێ دەكرێ كە هەرێمی كوردستان و عێراق دەگرێتەوە.
لە كۆبوونەوەكەی ئەمڕۆ كە لە شاری بەغدا بەرێوەچوو، بەرێز د.ئەحمەد ئەنوەر سەرۆكی دەستەی دەسپاكی هەرێمی كوردستان و نوێنەری دەستەی دەسپاكی عێراق و نوێنەری ئەنجوومەنی دادوەری لە عێراق و كوردستان و نوێنەری وەزارەتی پلاندانانی عێراق و كوردستان، هەروەها راوێژكارانی پەرلەمانی كوردستانیش بەشدار بوون.
ئەنجوومەنی ئیدارەدانی پڕۆژەكە، ئیتر ساڵانە دوو جار كۆ دەبنەوە ئەوە یەكەم كۆبوونەوەی ئەمساڵ بوو كە تیایدا گفتوگۆ لەسەر پلانەكانی داهاتوو كرا تا پلانی چالاكی داهاتوو لەچوارچێوەی پڕۆژەكە دابنرێ.
