لە رۆژی چوارشەم 2024/10/30 د.ئەحمەد ئەنوەر سەرۆکی دەستەی دەسپاکی هەرێمی کوردستان لەگەڵ کونسوڵی گشتی چین لیو جيون کۆبووەوە.
لە کۆبوونەوەکەدا، د.ئەحمەد ئەنوەر پوختەیەکی لەبارەی کارەکانی دەستە و ستراتیجی رووبەڕووبوونەوەی گەندەڵی و پڕۆژەکانی داهاتوو خستە ڕوو.
هەروەها هەردوولا دووپاتیان لە پتەوکردنی هەماهەنگی لە بواری ڕووبەڕووبوونەوەی گەندەڵی نێوانیان کردەوە.
کونسوڵی گشتی لیو دەستکەوت و ئەزموونی پارتی کۆمۆنیستی چین لە پەیڕەوکردنی خۆبەڕێوەبەرییەکی تەواو و توندی پارت و سەرکەوتن لە شەڕی سەخت و درێژخایەن لە دژی گەندەڵی ناساند.
لە کۆتایشدا کۆنسوڵی چین، بەڵێنی دا لە داهاتوو لە کردنەوەی خول و پڕۆژەکانیاندا رۆڵی دەستە لەبەرچاو بگرن.
