دەستەی دەسپاکی بەشداربوو لەچالاکیەکی ڕێکخراوی IOLتایبەت بە دانانی ڕێسای ڕەفتاری پیشەیی سەبارەت بە ڕێگریکردن لە گێچەڵی سێکسی لە کەرتی تایبەتدا.
ڕۆژی سێ شەممە ١٣/ ١١/ ٢٠٢٤ بەڕێزان دکتۆر عدنان عبداللە بەڕێوەبەری گشتی فەرمانگەی خۆپاراستن و شەفافیەت و دارەوان نورالدین ابراهیم بەرپرسی بەشی پەیوەندی پەیوەندی لەگەڵ ڕێکخراوە نا حکومیەکان و گەزەنگ مصلح فەرمانبەری بەشی شەفافیەت و ڕەفتاری پیشەیی، بەشداربوون لە چالاکی ڕێکخراوی IOL تایبەت بە دانانی رێسای ڕەفتاری پیشەیی تایبەت بە ڕێگریکردن لە گێچەڵی سێکسی لە کەرتی تایبەتدا.
ئەم چالاکیە پێکهاتبوو لە وۆرک شۆپێک کە لەلایەن رێکخراوی (IOL) رێکخرابوو کە ژمارەیەک لە کۆمپانیای بواری کەرتی تایبەت و لایەنی فەرمی حکومی بەشداربوون.
مەبەست لە بەڕیوەچوونی وۆرک شۆپەکە داڕشتنی چەند برگەیەکی دیاریکراو بۆ بنبڕکردنی گێچەڵی سێکسی لە بواری کەرتی تایبەتدا و دواتر جێگیرکردنی لە ڕەشنووسی ڕێسای ڕەفتاری پیشەیی تایبەت بە کەرتی تایبەت کە بڕیارە لە داهاتوو لە لایەن دەستەی دەسپاکی بەشی ڕەفتاری پیشەیی لە فەرمانگەی خۆپاراستن و شەفافیەت دەربچێ.
