بەرێوەبەری گشتی فەرمانگەی خۆپاراستن و شەفافیەت لە دەستەی دەسپاکی بەشداری کۆبوونەوەی لێژنەی نیشتمانی تایبەت بە ئامادەکردنی ستراتیژی نیشتمانی بۆ پتەوکردنی سەروەری یاسا و چەسپاندنی دادوەری (٢٠٢٥-٢٠٣٠) لە عێراق کرد.
رۆژی دووشمە (٢/١٢/٢٠٢٤) دکتۆر عدنان عبداللە رشید بەرێوەبەری گشتی فەرمانگەی خۆپاراستن و شەفافیەت بە نوێەرایەتی دەستەی دەسپاکی لە شاری بەغدا بەشداری کۆبوونەوەی ستراتیژی نیشتیمانی بۆ پتەوکردنی سەروەری یاسا و چەسپاندنی دادوەری لە عێراق (٢٠٢٥-٢٠٣٠) کرد ، کە نوێنەرانی هەریەک لە ( دەسەڵاتی دادوەری فیدراڵی و هەرێمی کوردستان ، ئەنجوومەنی وەزیرانی فیدراڵ و هەرێمی کوردستان ، ئەنجوومەنی دەوڵەت، وەزارەتی دادی فیدراڵ و هەرێمی کوردستان ، وەزارە تی خوێندنی باڵاو توێژینە وەی زانستی فیدراڵ و هەرێمی کوردستان ، نەزاهەی فیدراڵ، وەزارەتی بەرگری فیدراڵ، وەزارەتی پێشمەرگە، ئاسایشی نیشتیمانی فیدراڵ و ئەنجوومەنی ئاسایشی هەرێمی کوردستان ) تیایدا بەشداربوون.
کۆبوونەوەکە بۆ مەبەستی ئامادەکردنی ستراتیژی نیشتیمانی بۆ پتەوکردنی سەروەری یاساو چەسپاندنی دادوەری (٢٠٢٥-٢٠٣٠) و خۆ گونجاندنی عێراق بوو لەگەڵ پێوەرەکانی پرۆژەی دادپەروەری جیهان (wjp) کە یەکێک لە پێکهاتەکانی ئەو پێوەرە بەرەنگار بوونەوەی و گەندەڵی و پتەوکردنی شەفافیەت لە خۆدەگرێ.
