لە چوارچێوەی سەردانەكەیدا بۆ بەغدا، ئەمڕۆ چوارشەم 19ی شوباتی 2025، د. ئەحمەد ئەنوەر سەرۆكی دەستەی دەسپاكی هەرێمی كوردستان لەگەڵ د.محەمەد عەلی اللامی سەرۆكی دەستەی دەسپاكی عێراق كۆبووەوە.
لە كۆبوونەوەكەدا، دووپات لەسەر ئەوە كرایەوە كە گەندەڵی بەربەست دروست دەكات لەبەردەم خزمەتگوزاریی گشتیی بۆ هاووڵاتییان و پێویستە هەموو هەوڵێك بۆ ڕووبەڕووبوونەوەی بدرێ
هەر لەو كۆبوونەوەیەدا باس لە گرنگی چڕكردنەوەی هەوڵی دەزگاكان درا بۆ رێگری و بەرەنگاربوونەوەی گەندەڵی و رەخساندنی ژینگەیەكی لەبار بۆ ئەو ئەركە.
هەریەكە لە سەرۆكی دەستەی دەسپاكی هەرێمی كوردستان و دەستەی دەسپاكی عێراق دووپاتیان لەسەر هاوئاهەنگی نێوان هەردوو دامەزراوە و هاوبەشی لە پڕۆژەكانی داهاتوودا كردەوە.
